Ministri Besim Beqaj javën e ardhshme do të qëndrojë në SHBA ku do të marrë pjesë në Lutjet e Mëngjesit, do të takojë përfaqësues të Departamentit të Shtetit

Prishtinë, 2  shkurt 2018 - Ministri i Ministrisë së Inovacionit dhe Ndërmarrësisë Besim Beqaj javën e ardhshme do të udhëtojë në Shtetet e Bashkuara të Amerikës, ku do të marrë pjesë në Lutjet e Mëngjesit, si dhe do të ketë një varg takimesh të rëndësishme me qëllim të thellimit të bashkëpunimit dhe shkëmbimit të përvojave dhe mbështetjes amerikane në fushën e inovacionit dhe ndërmarrësisë.

Z. Beqaj gjatë qëndrimit në SHBA do të vizitojë Universitetin “James Madison” ku do të takojë presidentin e këtij universiteti, në veçanti departamentin për Inovacion dhe Ndërmarrësi. Ai do të  takime shumë të rëndësishme edhe me përfaqësues të Departamentit Amerikan të Shtetit, Bankës Botërore, USAID-it, si dhe me përqafues të Odes Ekonomike të Shteteve të Bashkuara të Amerikës.

Ministri Beqaj gjatë vizitës në SHBA do të promovojë Ministrinë e Inovacionit dhe Ndërmarrësisë, do të kërkojë mbështetje në fushën e konsulencës dhe në aspekte të tjera që do të ndihmonin në realizimi e objektivave të MIN, si dhe do të marrë përvojat amerikane në funksionimin e Qendrave të Inovacionit dhe Ndërmarrësisë.